मोरङ । मोरङको लेटाङ नगरपालिका–९ मा संरचना निर्माणमा प्रयोग हुने मिक्सचर मेसिनको ठक्करबाट एक जना प्राविधिकको मृत्यु भएको छ ।
निर्माणाधीन मदन भण्डारी लोकमार्गअन्तर्गत लेटाङ–९ स्थित तेली खोलाको पुल निर्माणमा प्रयोग गरिँदै आएको को।१ ख ४०७७ नम्बरको मिक्सचरले शुक्रबार राति ठक्कर दिँदा सिरहाको लाहान नगरपालिका घर भएका २४ वर्षीय सुनील साहको मृत्यु भएको हो ।
जिल्ला मोरङ प्रहरीका प्रवक्ता प्रहरी नायब उपरिक्षक दीपक श्रेष्ठका अनुसार पुल निर्माणमा कार्यरत ओभरसियर साहको ठक्करपछि घटनास्थलमा मृत्यु भएको हो । सूर्य एन्ड सन्स कन्सट्रक्सनले निर्माण गरिरहेको पुलमा साह ओभरसियरको जिम्मेवारीमा कार्यरत थिए ।
प्रहरीका अनुसार ट्रकमा जडान गरेर प्रयोग गरिँदै आएको कंक्रिटको मसला बनाउने मिक्सचरले घोला ओसार्ने क्रममा साहलाई ठक्कर दिएको हो । दुर्घटना भएसँगै मिक्सचरका चालक सुनसरी बराहक्षेत्र नगरपालिका कालाबन्जरका ३५ वर्षीय शम्भु राजधामीलाई पक्राउ गरी प्रहरीले घटनाको अनुसन्धान सुरू गरेको छ ।
प्रतिक्रिया दिनुहोस
सफल खबर संवाददाता
शनिबार, २४ मंसिर २०७९, १० : ३६
लेखकबाट थप
सम्बन्धित समाचारहरु
ओमानमा बाढीवाट मृत्यु हुनेको संख्या १८ पुग्यो, दुइ अझै बेपत्ता
कश्मिरमा डुंगा पल्टिँदा चार जनाको मृत्यु
बारामा ट्यांकरको ठक्करबाट प्रहरी जवानको मृत्यु
पर्यटकलाई घुमाउन गएका नेचर गाइडको गैँडाको आक्रमणबाट मृत्यु
आगलागीमा गम्भीर घाइते भएका तीनै बालकको मृत्यु
पाकिस्तानी विद्रोहीको आक्रमणमा ११ जनाको मृत्यु