हार्ने भएपछि धाँधलीको रटानमा एमाले

काठमाडौं । नेकपा एमालेले स्याङ्जा–२ र बाजुरामा धाँधली भएको जिकिर गर्दै त्यसैलाई निर्वाचन आयोगले वैधता प्रदान गरेको आरोप लगाएको छ । महासचिव शंकर पोखरेलले सत्तापक्षले सेटिङ मिलाएर गरेको  धाँदलीलाई आयोगले वैधता प्रदान गर्नुले गम्भीर चिन्ता बढाएको प्रतिक्रिया दिए । 

‘स्याङ्जा र बाजुरामा सत्तापक्षले सेटिङ मिलाएर गरेको नाङगो धाँदलीलाई निर्वाचन आयोगले वैधता प्रदान गर्नुले गम्भीर चिन्ता बढाएको छ’, उनले सामाजिक सञ्जालमार्फत भनेका छन् । 

एमालेले यी दुबै क्षेत्रका धाँधली भएको ठाउँमा पुनः मतदान हुनुपर्ने माग गर्दै आएको थियो । तर, निर्वाचन आयोगले बुधबार मतगणना सुरु गर्न निर्देशन दिएको थियो । सोहीअनुसार स्याङ्जा २ मा मतगणना सुरु भइसकेको छ ।