कस्तो रहला आज दिनभरको मौसम ?

काठमाडौं । हाल देशमा पश्चिमी वायुको सामान्य प्रभाव रहेको जल तथा मौसम पूर्वानुमान महाशाखाले जनाएको छ । महाशाखाका अनुसार शनिबार बिहान पहाडी भूभागमा आंशिक  बदली रही बाँकी भूभागमा मौसम सामान्यतया सफा रहेको छ।  

यस्तै दिउँसो  प्रदेश १, बागमती प्रदेश, गण्डकी प्रदेश र सुदूरपश्चिम प्रदेशका पहाडी  भूभागमा आंशिक बदली रही बाँकी  भूभागमा मौसम सामान्यतया सफा रहनेछ।  यस्तै प्रदेश नं १, बागमती तथा गण्डकी प्रदेशको पहाडी भूभागको एक दुई स्थानहरूमा हल्का वर्षाको सम्भावना रहेको पनि महाशाखाको भनाइ छ । 

यसैगरी राति  प्रदेश १, बागमती र गण्डकी प्रदेशका पहाडी भूभागमा आंशिक बदली रही बाँकी  भूभागमा मौसम सामान्यतया सफा रहनेछ ।  यसैगरी प्रदेश १, बागमती प्रदेश र गण्डकी  प्रदेशका हिमाली भूभागका एकदुई स्थानमा हल्का हिमपातको  सम्भावना रहेको  महाशाखाको भनाइ छ ।