गजल : ट्यापे भइयो

-रमेश पन्त 
नातागोता सब तोडेर ट्यापे भइयो
गुण्डा जड्याँहा साथी, जोडेर ट्यापे भइयो

गर्लफ्रेन्ड जिस्काएको निहुँ पारेर हजुर
एक दुईको हड्डी, फोडेर ट्यापे भइयो

हेर्नुस्! आफू त परियो, ब्रहमणको छोरो
धर्म संस्कृति मोडेर ट्यापे भइयो

गर्नु के ? सामाजमा छवि राम्रै थियो
इमान इज्जत सबै, छोडेर ट्यापे भइयो

हरियाली जीवन चारैतिर बनाउने त्यो बेला
फोहोरै फोहोरको बारी, गोडेर ट्यापे भइयो