एमालेले चितवन–१ बाट चुनाव लड्न पुनः सुरेन्द्र पाण्डेलाई दियो टिकट

चितवन । नेकपा (एमाले) ले चितवन क्षेत्र नं १ चुनाव लड्न पुनः सुरेन्द्र पाण्डेलाई टिकट दिएको छ । 

एमालेबाट यो क्षेत्रमा चुनाव लड्न आकांक्षीहरु धेरै देखिएपछि कसले टिकट पाउने जिल्लामा कौतुहलता बढेको थियो । तर लामो रस्साकस्सीपछि पूर्व अर्थमन्त्रीसमेत रहेका एमाले उपाध्यक्ष पाण्डेले टिकट हात पारेका हुन् । चितवन–१ मा जेएन थपिलायाले दाबी गर्दै आएका थिए ।

थपलियाले चुनावको प्रचारप्रसार समेत सुरु गरिसकेका थिए । एमालेले थपलियालाई प्रदेश सभा निर्वाचनमा उमेदवार बनाउने भएको छ । उनले निर्वाचन क्षेत्र नं १ क को टिकट पाएका छन् । त्यस्तै, प्रकाश खनाल शैलेसले निर्वाचन क्षेत्र नं १ ख बाट चुनाव लड्न टिकट पाएका छन् ।