दलहरूले राजनीतिलाई अवसरवादको अँध्यारोमा लगेको छ : डा. भट्टराई

काठमाडौँ । नेपाल समाजवादी पार्टी (नेसपा) अध्यक्ष डा. बाबुराम भट्टराईले राजनीतिक धरातल खस्किँदै गएको बताएका छन् ।

आगामी मंसिर ४ गतेका लागि तय भएको प्रदेश तथा प्रतिनिधिसभाको निर्वाचन नजिकिएसँगै दलहरूले राजनीतिलाई अवसरवादको अध्यारोमा लगेको आरोप लगाएका हुन् ।

राजनीतिक गतिविधि र नेताहरूप्रति लक्षित गर्दै उनले सामाजिक सञ्जाल ट्वीटरमा लेख्छन्,’चुनाव नजिकिँदै गर्दा नेपाली राजनीति पातालतिर धसिँदै जानु अति दुःखद् छ । एक थान चुनावी सिटका लागि घोषित सिद्धान्त,आदर्श सबै त्यागेर र जनताको बलिदानलाई लात हानेर दलबदल र कित्ता परिवर्तन गर्नु राजनीतिलाई फगत व्यापारमा झार्नु नै हो ! यो अवसरवादको अध्यारोमा निष्ठाको जुनकिरी बन्ने साहस गरौँ !’