सल्यानमा जीप दुर्घटना हुँदा २ जनाको घटनास्थलमै मृत्यु

दाङ । सल्यानमा जीप दुर्घटना हुँदा दुई जनाको मृत्यु भएको छ ।

जिल्लाको कुमाख गाउँपालिका- ७ डुमकोटबाट शारदा नगरपाकिला- ११ स्थित खैराबाङ मन्दिरमा आउँदै गरेको रा १ ज ७९८ नम्बरको जीप आज बिहान कुमाख गाउँपालिका ७ चिसापानीमा दुर्घटना भएको हो ।

दुर्घटनामा परी कुमाख गाउँपालिका ७ डुमकोट बस्ने करिब ३९ वर्षीय मान बहादुर पुन र करिब १४ वर्षीया एनका पुनको मृत्यु भएको जिल्ला प्रहरी कार्यालय सल्यानले जनाएको छ । उकालोमा ब्याक गर्ने क्रममा दुर्घटना हुँदा जीपप सडकबाट करिब एक सय मिटर तल खसेको जिल्ला प्रहरी कार्यालयले प्रारम्भिक अनुमान गरेको छ ।  

दुर्घटनामा परी घाइते भएकाहरुको उपचारका लागि सल्यान जिल्ला अस्पताल ल्याइदै गरेको र घाइते कति छन् भन्ने यकिन नभएको प्रहरीले जनाएको छ ।