मनकामना केबलकार आउदो शनिबारबाट नियमित सेवा सुचारु गर्दै, नेपालमै पहिलो डिजिटल प्रविधियुक्त केबलकारमा स्तरोन्नति

काठमाडौं। नेपालको पहिलो केबलकार मनकामना केबलकारले  प्रविधि स्तरोन्नति गरेसंँगै आउदो शनिबार (भाद्र २५) गतेबाट नियमित संचालनमा आउने जनाएको छ ।

स्तरोन्नतीका लागि प्रक्षेपण गरिएको १ हप्ता अगावै संचालनमा ल्याउन सफल भएको केबलकार व्यवस्थापनले जनाएको छ । विगतमा रहेको एनालग कनेक्ट प्रणालीलाई अहिले डिजिटल प्रणालिमा स्तरोन्नति गरिएको केबलकारले जनाएको छ । अब यो केबलकारनेपालकै पहिलो डिजिटल कनेक्ट सिस्टम सहितको केबलकार हुनेछ ।

चितवनको कुरिनटारबाट गोरखाको प्रसिद्ध धार्मिकस्थल मनकामना मन्दिरसम्म जान यात्रुहरुलाई थप सुरक्षित, सहज र भरपर्दो सेवा दिनका लागि स्तरोन्नति गरिएको केबलकारले जनाएको छ ।  

स्तरोन्नति कार्य अष्ट्रियाका प्राविधिकहरुले गरेका छन् । प्रविधि स्तरोन्नती गर्न श्रावन २३ गतेदेखि यो केबलकारले सेवा स्थगन गरेको थियो ।