काठमाडौं । नेकपाका महासचिव नेत्रविक्रम चन्द (विप्लव) सहितका नेताहरुलाई पक्राउ पूर्जी जारी गरिएको प्रति गुल्मीका कार्यकर्ताले विरोध जनाएका छन् ।
गत साउन १६ गते जिल्ला अदालत ललितपुरले विप्लवसहित २८ जना शीर्ष नेताहरु माथि ३५ दिने पक्राउ पुर्जी जारी गरेको थियो । त्यसविरुद्ध जिल्ला प्रशासन कार्यालय गुल्मीमार्फत नेपाल सरकारलाई ज्ञापनपत्र बुझाउँदै पार्टीका गुल्मीस्थित कार्यकर्ताहरूले पक्राउ पुर्जी फिर्ताको माग गरेका हुन् ।
यसअघि २०७७ साल फागुन २१ गते सो पार्टीमाथि लगाइएको प्रतिबन्ध सरकारले फिर्ता गरेको थियो । तर फेरि पक्राउ पुर्जी जारी गरिएकोप्रति गुल्मीका कार्यकर्ताले विरोध जनाएका हुन् ।
पार्टीका गुल्मी जिल्ला सेक्रेटरी सुमन नेतृत्वका कार्यकर्ताले ज्ञापनपत्र बुझाएका हुन् । ज्ञापनपत्र बुझ्दै प्रमुख जिल्ला अधिकारी पुण्यविक्रम पौड्यालले आफूले सम्बन्धित निकायमा सन्देश पुर्याउने बताए।
प्रतिक्रिया दिनुहोस
सफल खबर संवाददाता
बुधबार, ०१ भदौ २०७९, १६ : २२
लेखकबाट थप
सम्बन्धित समाचारहरु
विप्लवले जुम्लामा सुरु गरे स्याउ खेतीको थालनी
समाजवादी मोर्चाको अध्यक्षमा विप्लव चयन
सहमति र घेराबन्दीको दोहोरो चरित्र चल्दैन : विप्लव
सरकारको दोधारे चरित्र देखियो : विप्लव
अदालतले पक्राउ पुर्जी जारी गरेपछि ‘विप्लवद्वारा सङ्घर्षका कार्यक्रम घोषणा
'विप्लव’सहितका नेतालाई पक्राउ पुर्जी जारी गर्नु गलत : प्रधानमन्त्री प्रचण्ड