‘कुहिने र नकुहिने फोहोर छुट्याएर महानगरलाई फोहोरमुक्त बनाउन  सबैले सघाउ’ : गगन थापा

काठमाडौँ । नेपाली कांग्रेसका महामन्त्री गगन थापाले काठमाडौँ महानगरपालिकाले थालेको कुहिने र नकुहिने फोहोर छुट्टाउने अभियानलाई सघाउन सबैसँग आग्रह गरेका छन् ।

उनले घरबाटै फोहरको स्रोतलाई वर्गीकरण गरी छुट्टाउन गरेको आग्रहले फोहोर व्यस्थापनमा अहम् भूमिका खेल्ने विश्वास लिएको बताएका छन् ।सामाजिक सञ्जालमा एक भिडियो सन्देश सार्वजनिक गर्दै उनले अभियानलाई सफल पारी काठमाडौँलाई फोहरमुक्त काठमाडौँ बनाउन आग्रह गरेका हुन् ।

काठमाडौँ महानगरमा आजदेखि फोहोर बर्गीकरण गरेर मात्र संकलन गरिने बताएको छ । अबदेखि आइतबार र बुधबार कुहिने तथा सोमबार र शुक्रबार नकुहिने फोहोर उठाइने महानगरपालिकाले जनाएको छ।