पोखरीमा डुबेर दुई बालिकाको मृत्यु

सफल खबर संवाददाता

मंगलबार, १४ असार २०७९, ०९ : ३६
पोखरीमा डुबेर दुई बालिकाको मृत्यु

काठमाडौँ । कैलालीको लम्कीचुहा नगरपालिका ८ मलभङ्गा स्थित पोखरीमा डुबेर बेहोस भएका दुई बालिकाको उपचारका क्रममा गएराति मृत्यु भएको छ।

मृत्यु हुनेमा मलभङ्गा गाउँका लालबहादुर विष्टकी सात वर्षीया छोरी आश्रिया र भीमबहादुर कुवँरको छ वर्षीया छोरी भावना रहेको जिल्ला प्रहरी कार्यालयका प्रवक्ता बेदप्रकाश जोशीले जानकारी दिए।

गाउँमा रहेको इँटाभट्टामा खेलिरहेको अवस्थामा नजिकै रहेको पोखरीमा सोमबार बेलुका बालिका डुबेको देखेपछि स्थानीयवासीले उद्धार गरी बर्दगोरियास्थित खापर हेल्थ क्लिनिकमा पुर्याएका थिए।  उपचारका क्रममा राति मृत्यु भएको जनाइएको छ।