अमेरिकाले प्रदान गरेको लामो दूरीसम्म मार हान्न सक्ने तोपखाना प्रणाली आफ्नो मुलुक आइपुगेको युक्रेनका एकजना मन्त्रीले बताएका छन् ।युक्रेनी रक्षामन्त्री ओलेक्सी रेज्निकोभले सामाजिक सञ्जाल ट्विटरमार्फत् सन्देश जारी गर्दै अमेरिकी तोपखाना प्रणाली आफ्नो मुलुक आइपुगेको जानकारी दिएका हुन् ।
‘मेरा अमेरिकी सहकर्मी र साथी रक्षामन्त्री लोइड अस्टिनलाई यी शक्तिशाली औजारहरुका लागि धन्यवाद रुसी अतिक्रमणकारीका लागि यो गर्मी निकै तातो हुनेछ र केहीका लागि यो नै अन्तिम (गर्मी हुनेछ)’ युक्रेनी रक्षामन्त्रीलाई उद्धृत गर्दै रोयटर्सले जनाएको छ ।
युक्रेनी रक्षामन्त्रीले अमेरिकी हतियार युक्रेनसम्म आइपुगेको बताएपनि कति परिमाणमा हतियार आइपुगे भन्नेबारे केही खुलाएका छैनन् ।युक्रेनले लामो समयदेखि पश्चिमा मुलुकहरुसमक्ष लामो दूरीको एवम् शक्तिशाली तोपखाना प्रणालीको माग गर्दै आएको थियो ।
प्रतिक्रिया दिनुहोस
सफल खबर संवाददाता
शुक्रबार, १० असार २०७९, १७ : १९
लेखकबाट थप