भारतमा मनसुनको प्रकोप हुँदा थप २६ जनाको मृत्यु

काठमाडौँ । भारतमा मनसुनको बाढी र चट्याङमा परी कम्तीमा पनि २६ जनाको मृत्यु भएको छ। छिमेकी राष्ट्र बंगलादेशमा लाखौँ मानिस यस प्रकोपको मारमा परेका अधिकारीहरूले सोमबार जनाएका छन्।

भारत र बंगलादेशमा बाढी एक नियमित खतराको रूपमा रहेको छ। भारतको उत्तरपूर्वी राज्य आसाममा पहिरोमा परी तीन जनाको मृत्यु भएको छ भने बाढीमा डुबेर छ जनाको मृत्यु भएको प्रकोप व्यवस्थापन अधिकारीहरूले बताएका छन्।पूर्वी राज्य बिहारमा आँधीका कारण चट्याङ लागेर कम्तीमा १७ जनाको मृत्यु भएको स्थानीय प्रकोप व्यवस्थापन मन्त्री रेणु देवीले जानकारी दिइन्। आसाम लगातार बाढीको चपेटामा परेको छ।

राज्यका ३३ जिल्लाका ५ हजार १४० गाउँहरू बढ्दो पानीले डुबेका छन्। एक लाखभन्दा बढी गाउँले राहत आश्रयमा शरण लिएका छन्। राज्य पहिलो पटक अप्रिलमा प्रभावित भएको थियो। हाल पुनः वर्षाको कारण आएको बाढीमा परी ४४ जनाको मृत्यु भएको छ।छिमेकमा पर्ने मेघालय राज्यमा पहिरो र बगेको खोलाले सडक डुबेपछि गत बिहीबारदेखि कम्तिमा १६ जनाको मृत्यु भएको छ।

मनसुन आँधीले बंगलादेशमा विनाशकारी बाढी पनि फैलाएको छ। लाखौँ अलपत्र परेका र दर्जनौँको मृत्यु भएको छ। सोमबार, बाढीको पानी सिल्हेटको उत्तरपूर्वी जिल्लाबाट बिस्तारै कम हुँदै गइरहेको थियो। यद्यपि लाखौँ अझै पनि बेवारिसे भएका जिल्लाका मुख्य प्रशासक मोशर्रफ हुसेनले बताएका छन्।

‘आश्रयस्थलहरू प्रभावित मानिसहरूले भरिएका छन्। त्यहाँ खाना र पिउने पानीको ठूलो संकट छ। धेरै घर फर्कन डराउँछन् भने धेरैले बाढीको पानीमा आफ्नो घर गुमाएका छन्,’ उनले एएफपीलाई बताएका छन्।

दक्षिणपूर्वी चटगाउँ पहाडी जिल्लाहरूमा पनि भारी वर्षा जारी रहयो जसले बन्दरगाह सहरमा जलमग्नता र पहिरोको जोखिम बढाएको छ।