‘शौचालय सार्वजनिक प्रयोग गर्न दिनेले सात दिनभित्र सम्पर्क गर्नु’ : काठमाडौं महानगर

काठमाडौं । काठमाडौं महानगरपालिकाले होटल, रेष्टुरेन्ट, बैंकलगायतले शौचालय सार्वजनिकरूपमा सर्वसाधारणलाई प्रयोग गर्न दिने भएमा सात दिनभित्र सम्पर्कमा आउन अनुरोध गरेको छ । 

आज एक सूचना जारी गर्दै महानगरले होटल, रेष्टुरेन्ट, बैंक, व्यापारिक भवन, मल, सपिङ कम्प्लेक्स, कम्पनी, फर्म, व्यवसायी, गैरसरकारी संघसंस्था लगायतलाई सार्वजनिक रूपमा अनुरोध गरेको हो । 

इच्छुक सम्बद्ध सरोकारवाला व्यक्ति तथा निकायले सात दिनभित्र सार्वजनिक निजी साझेदारी इकाइ, बबरमहल जिसस भवन वा प्रशाशन विभाग, काठमाडौं महानगरमा सम्पर्क गर्न पनि आग्रह गरेको छ । 

शौचालयमा सर्वसाधारणको सहज पहुँच अभिवृद्धिका लागि महानगर क्षेत्रभित्र रहेका होटललगायतको शौचालय प्रयोग गर्न सकिने महानगरले गत जेठ १६ को नगरकार्यपालिका बैठकबाट निर्णय गरेको थियो । मेयर बालेन्द्र शाह (बालेन) ले होटल, रेष्टुरेन्टका शौचालयलाई नै सार्वजनिक शौचालयका रूपमा प्रयोगमा ल्याउन सकिने बताएका थिए ।