बाबुराम भट्टराईले आफ्नो मत किन गरे सार्वजनिक ?

काठमाडौं । पूर्वप्रधानमन्त्री तथा जनता समाजवादी पार्टीका संघीय परिषद्का अध्यक्ष डा. बाबुराम भट्टराईले मतदान गरेका छन् ।

उनले गोरखाको पालुङटार नगरपालिका–१ स्थित अन्नपूर्ण माविको बूथमा मतदान गरेका हुन् । भट्टराईले आफूले कुन पार्टीलाई मत दिएको हो भन्ने देखिने तस्वीर नै फेसबुकमा पोस्ट गरेका हुन् ।

मतदान गरेपछि उनले सामाजिक संजालमा भनेका छन्, “लोकतान्त्रिक अधिकार र कर्तव्यको निर्वाह गरियो । सबैले मतदान गरौंस स्थानीय लोकतन्त्र सुदृढ गरौं !” भट्टराईले आफूले मतदान गरेको तस्बिर सार्वजनिक गरेका छन् । उनले सार्वजनिक गरेको मतपत्रमा छाता चुनाव चिह्नमा मतदान गरेको देखिन्छ ।