गठबन्धनमा दम्भ देखियो, हिसाब मिलान हुन्छ : रामकुमारी झाँक्री

काठमाडौं । नेकपा एकीकृत समाजवादीकी नेतृ रामकुमारी झाँक्रीले सत्तारुढ पाँच दलीय गठबन्धनबीच चुनावी तालमेल सन्तोषजनक र सम्मानजनक नभएको जिकिर गरेकी छिन् । उनले यसको हिसाब मिलान हुने समेत बताएकी छिन् । 

सामाजिक संजाल फेसबुकमा प्रतिक्रिया व्यक्त गर्दै उनले गठबन्धनभित्र रहेका दलहरूका बीचमा हार्दिकतापूर्ण वातावरण नबनेको र वार्ताका क्रममा पनि दम्भ देखाइएको आरोप लगाएकी छिन् । गठबन्धनभित्रकै केही नेताका अभिव्यक्ति सुन्दा यसको एकदिन हिसाब मिलान गर्नुपर्ने देखिएको उनले बताएकी हुन् । 

उनले भनेकी छिन्, ‘गठबन्धन सन्तोषजनक र सम्मानजन भएन । गठबन्धनका दलहरूको बीचमा हामीले आफैँभित्र पनि हार्दिकतापूर्ण वातावरण बनाउन सकेनौँ । हाम्रा वार्ता संवादमा केही दम्भ देखियो । यो बीचमा गठबन्धनका केही नेताहरूको अभिव्यक्ति सुन्दा लाग्छ एक दिन यसको हिसाब मिलान गर्नुपर्ने छ। बस !’