ललितपुर । राप्रपाका अध्यक्ष राजेन्द्र लिङ्देनले केन्द्रमा जस्तै स्थानीय तहमा पनि भ्रष्टाचार बढिरहेको र राप्रपाले आसन्न स्थानीय निर्वाचनमा स्थानीय तहको भ्रष्टाचारलाई प्राथमिकताका साथ उठाउने बताएका छन् ।
आज ललितपुरको चापागाँऊमा आयोजित सभालाई सम्बोधन गर्दै अध्यक्ष लिङ्देनले भ्रष्टाचार देश विकासको मुख्य बाधकको रुपमा रहेको र यो महारोगको रुपमा देखिएको बताएका छन् ।
कांग्रेस, एमाले, माओवादी दलीय रुपमा मात्रै अलग हुन्, ठूला ठूला भ्रष्टाचारका काण्डमा तीन दलको मिलेमतो र संरक्षण रहेको उल्लेख गर्दै लिङ्देनले केन्द्रमा रहेको भ्रष्टाचारको महारोग स्थानीय तहमा पनि व्याप्त रहेकोमा चिन्ता व्यक्त गरेका छन् । लिङ्देनले देशको विद्यमान समस्याको समाधान सामान्य टालटुल गरेर नहुने भन्दै प्रणालीमा आमुल सुधार गर्नुपर्नेमा जोड दिएका छन् ।
आमसभालाई प्रवक्ता ज्ञानेन्द्र शाही, केन्द्रीय सदस्यहरु आनन्द अधिकारी, मीना शाही, ललितपुर जिल्ला अध्यक्ष अष्ट महर्जन लगायतले सम्बोधन गरेका थिए ।
प्रतिक्रिया दिनुहोस
सफल खबर संवाददाता
शुक्रबार, २७ फागुन २०७८, १७ : ११
लेखकबाट थप
सम्बन्धित समाचारहरु
देश चलाउने मौका हामीले पाए भ्रष्टाचारीमाथि डोजर चलाउँछौँ : राजेन्द्र लिङ्देन
प्रधानमन्त्रीज्यू गल्ती सच्याउँछु भन्दा पनि नपाउने परिस्थिति आउन सक्छ : राजेन्द्र लिङ्देन
यो गठबन्धनले राप्रपा खोज्ने दिन नआओस् : राजेन्द्र लिङ्देन
सीमित नेताको मुठ्ठीमा देश कैद भयो : राजेन्द्र लिङ्देन
राप्रपा अध्यक्ष लिङ्देन हङकङ प्रस्थान
कार्की मुख्यमन्त्रीमा नियुक्त भएपछि लिङ्देनले भने - कांग्रेस, एमाले र माओवादी मिलेको राम्रो हुन्छ भन्ने हाम्रो सुझाव थियो