सभामुखविरुद्ध एमालेले महाअभियोगको प्रस्ताव ल्याउन सक्छ : गोकुल बाँस्कोटा

सफल खबर संवाददाता

बुधबार, १८ फागुन २०७८, ११ : ५२
सभामुखविरुद्ध एमालेले महाअभियोगको प्रस्ताव ल्याउन सक्छ : गोकुल बाँस्कोटा

काठमाडौं ।  नेकपा एमालेका नेता गोकुल बास्कोटाले सभामुखविरुद्ध एमालेले महाअभियोगको प्रस्ताव ल्याउन सक्ने बताएका छन्। 

सुर्खेत विमानस्थलमा बुधबार बिहान पत्रकारसँग कुरा गर्दै उनले भने, ‘सभामुख पक्षपाती भए । सभामुख कुनै पार्टीको हैन र त्यो पद संसदको सबैभन्दा माथिल्लो हो।’

नेपाल खेलकुद महासङ्घ कर्णाली प्रदेशको प्रथम अधिवेशनमा सहभागी हुन आएका उनले माओवादी अध्यक्ष  पुष्पकमल दाहाल ‘प्रचण्ड’को विरोध गर्न सम्म गरे।

उनले भने, ‘प्रचण्ड जी खोलैखोला जान लाग्नुभाछ । एमसीसीका विरुद्धमा पहाड सिर्जना गर्ने पनि प्रचण्ड नै हुन् । एमसीसीका बारेमा उहाँले एउटा पहाड सिर्जना गर्न खोज्नुभयो।’  

प्रतिक्रिया दिनुहोस