काठमाडौं । निर्मल लामा स्मृति प्रतिष्ठानले वीर अस्पताललाई ३० वटा आईसीयू शय्या हस्तान्तरण गरेको छ । प्रतिष्ठानको तर्फबाट नेकपा (माओवादी केन्द्र) का नेता लिलामणि पोखरेलको पहलमा अस्पताललाई ३० वटा आईसीयू शय्या हस्तान्तरण गरेको हो ।
भूमि व्यवस्था, सहकारी तथा गरिबी निवारणमन्त्री शशी श्रेष्ठ सहभागी कार्यक्रममा प्रतिष्ठानको तर्फबाट नेता पोखरेलले हस्तान्तरण गरेका हुन ।कार्यक्रममा मन्त्री श्रेष्ठले शिक्षा र स्वास्थ्य जनताको मौलिक अधिकार भएकोले सबैले निःशुल्क पाउने व्यवस्था मिलाउनुपर्ने बताए ।
पैसा हुनेले स्वास्थ्य र शिक्षा किन्ने प्रणालीको अन्त्य गरी आम जनताले शिक्षा र स्वास्थ्यमा नैसर्गिक हकको प्रयोग गर्न पाउनुपर्ने उनको भनाइ छ । त्यस्तै वीर अस्पतालका प्रमुख प्रशासकीय अधिकृत डा.भूपेन्द्रकुमार बस्नेतले विभिन्न संस्थाहरूको सहयोगबाट नै कोरोना भाइरसको तेस्रो लहरमा उपचार गर्न सहज भएको बताए ।
प्रतिष्ठानले दिएका ३० शय्या आजबाटै सञ्चालनमा ल्याउने उनको भनाइ छ । डा. बस्नेतले संस्थाहरूको सहयोगले नै कोरोनाको तेस्रो लहरमा अक्सिजन, भेन्टिलेटर र आईसीयू बेड उपलब्ध गराउन सहज भइरहेको पनि बताए ।
प्रतिक्रिया दिनुहोस
सफल खबर संवाददाता
सोमबार, १७ माघ २०७८, १३ : ५३
लेखकबाट थप
सम्बन्धित समाचारहरु
वीर अस्पताललाई चिकित्सा विज्ञान राष्ट्रिय प्रतिष्ठानबाट छुटाउनु हुँदैन : उपकुलपति बस्नेत
वीर अस्पतालको खाद्यान्न खर्च कटौतीविरुद्धको रिट ढकालको इजलासमा
वीर अस्पतालमा राष्ट्रिय ब्रेन ट्युमर केन्द्र स्थापना
वीर अस्पतालमा हप्ताको ३ दिन मृगौला प्रत्यारोपण हुने
पूर्वराष्ट्रपति यादव वीर अस्पताल भर्ना, स्वास्थ्य अवस्था स्थिर
वीर अस्पताल सर्जिकल भवनको छैटौं तल्लाबाट खसेका एक पुरुषको मृत्यु