एजेन्सी । दक्षिणी भारतको कर्नाटकमा बलात्कारबारे ठट्टा गर्ने एक सांसदले माफी मागेका छन् । ‘एउटा भनाई नै छ नि जहाँ बलात्कार अपरिहार्य बनेको छ, झुट बोल्नु र यसैमा रमाउनुहोस,’ कंग्रेस पार्टीको तर्फबाट कर्नाटकको विधान सभामा निर्वाचित सांसद आरके रमेश कुमारले केही दिनअघि विधान सभामा भनेका थिए ।
उनको अभिव्यक्तिपछि विधान सभाका सभामुख विश्वेश्वर कागेरी र अन्य सांसदसमेत हाँसेका थिए । विवादास्पद अभिव्यक्तिको चौतर्फी विरोधपछि रमेश कुमारले माफी माग्न बाध्य भएका हुन् । आफ्नो भनाईले कसैलाई चोट पुग्न गएमा खुला ह्दयदेखि क्षमा याचना गरेको उनले बताएका छन् ।
‘महिलालाई अपमान गर्ने मेरो कुनै आशय थिएन । त्यस्तै, विधान सभाको गरिमा घटाउने वा बलात्कारबारे ठट्टा गर्ने कुनै नियत थिएन’, कुमारले भनेका छन् ।सांसदहरुलाई काबुमा राख्न नसकेको र लाचारीपन देखाएको सभामुखमाथि आरोप लागिरहेका बेला कुमारको अभिव्यक्ति आएको थियो ।
।
कुमारको अभिव्यक्तिप्रति सत्तारुढ भारतीय जनता पार्टी (भाजपा) र कुमारकै कंग्रेस पार्टीका सांसदहरुले बिरोध गरेका थिए । उनका अभिव्यक्तिले महिलालाई अपमान गरेको भाजपाकी सांसद पूर्णिमा श्रीनिवासले बताएकी थिइन् ।
प्रतिक्रिया दिनुहोस
एजेन्सी
आइतबार, ०४ पुस २०७८, ०८ : ५०
लेखकबाट थप
सम्बन्धित समाचारहरु
कांग्रेसलाई रास्वपाको जवाफ- कुण्ठाको राजनीति छाडेर आउनुस्, कानूनी रूपमा जाऔँ
गृहमन्त्रीबारे सदनमा प्रधानमन्त्रीको जवाफ राज्य संयन्त्रले दिएको तथ्य हो : सांसद सापकोटा
सांसद अब्दुल खान चढेको कार दुर्घटना
सांसद सापकोटालाई हटाउने जनमतको निर्णय त्रुटीपूर्ण भन्दै सभामुखद्वारा अस्वीकार
गृहमन्त्रीलाई सांसद थापाको आग्रह - धेरै नैतिकताको प्रश्न उठाउनुभयो, अब देखाउनुस्
जसपाकी सांसद मञ्जु शर्मा अन्सारीको निधन