आलोचनाबाट बच्न प्रकाशमान सिंहले बन्द गरे फेसबुकको कमेन्ट सेक्सन

काठमाडौं । नेपाली कांग्रेसका नेता प्रकाशमान सिंहले १४औं महाधिवेशनमा सभापतिमा निर्वाचित भएका शेरबहादुर देउवालाई बधाई दिँदा सामाजिक सञ्जाल फेसबुक पेजको कमेन्ट सेक्सन नै बन्द गरेका छन् ।

नेतृत्व परिवर्तन गर्नुपर्ने माग गर्दै आएका सिंह अन्तिममा देउवालाई नै सघाउने गएपछि प्रतिनिधि आक्रोशित भएका छन् । सामाजिक सञ्जालमा कार्यकर्ताहरुले सिंहको चर्को आलोचना गरिरहेका छन् । सोही गाली खानबाट बच्न सिंहले कमेन्ट सेक्सन बन्द गरेको अनुमान गरिएको छ । 

१४औं महाधिवेशनमा सिंहले पनि उम्मेदवार दिएका थिए । तर, पहिलो चरणको मतदानमा कुनै पनि उम्मेदवारले बहुमत पाएका थिएनन् । दोस्रो चरणमा सिंहले देउवालाई सघाएका थिए । उनले फेसबुकमार्फत् देउवालाई बधाई दिँदै लेखेका छन्, ‘नेपाली कांग्रेसको १४औं महाधिवेशनमा सभापति पदमा निर्वाचित हुनुभएकोमा सम्माननीय प्रधानमन्त्री श्री शेरबहादुर देउवाज्यूलाई हार्दिक बधाई तथा सफल कार्यकालको शुभकामना ।’