एमाले महाधिवेशन

मतदानमा आचारसंहिता विपरितको गतिविधि भएकोप्रति भीम रावलको असन्तुष्टि

सफल खबर संवाददाता

मंगलबार, १४ मंसिर २०७८, ११ : ५४
मतदानमा आचारसंहिता विपरितको गतिविधि भएकोप्रति भीम रावलको असन्तुष्टि

चितवन । नेकपा एमालेको अध्यक्ष पदका उम्मेदवार भीम रावलले मतदानका क्रममा आचारसंहिताविपरितको गतिविधि भएकोप्रति असन्तुष्टि जनाएका छन  । उनले समूहगत सूची वितरण गरिएको प्रति आफूले निर्वाचन आयोगलाई जानकारी गराएको र प्रहरीलाई पनि त्यस्तो  गतिविधि हुन नदिन आग्रह गरेको बताए ।

आफ्नो धारणा अनुसार नै नयाँ नेतृत्व चयनका लागि निर्वाचन भएकोप्रति भने  रावलले खुसी व्यक्त गरेका छन् । ‘निर्वाचनमा जानुपर्छ भन्ने मेरो धारणा थियो । निर्वाचन सो धारणा अनुरुप नै भएको ठानेको छु’, मतदान सम्पन्न भएपछि सौराहास्थित सेभेनस्टार होटल परिसरमा रावलले भने । 

प्रतिक्रिया दिनुहोस