एमाले महाधिवेशन :अब बुधबार बिहान् ८ बजेबाट मात्रै मतदान

काठमाडौं । नेकपा एमालेको एघारौं महाधिवेशन अन्तर्गत नयाँ नेतृत्व चयनको मतदान अब बुधबार बिहान्मात्र सुरु हुने भएको छ । बुधबार बिहान् ८ बजेदेखि मतदान गर्ने गरी निर्वाचन समितिले फेरि निर्वाचन कार्यतालिका संशोधन गरेको छ । साँझ ७ बजेबाट मतदान हुने भनिएपछि महाधिवेशन प्रतिनिधिहरु मतदानका लागि लाइन बसिसक्दा पनि बेलुकी ८ ः २० सम्म मतदान हुन नसकेपछि निर्वाचन समितिले मतदान बुधबार बिहान मात्र गर्ने गरी कार्यतालिकासंशोधन गरेको हो । 

कार्यतालिका शंसोधन अगाडी अध्यक्षका दुई प्रतिस्पर्धी केपी शर्मा ओली र इश्वर पोखरेलसँग निर्वाचन समितिले आवश्यक सरसल्लाह गरेको थियो । त्यही आधारमा बुधबार बिहान मात्र मतदान गर्ने गरी कार्यतालिका संशोधन गरेको निर्वाचन समितिले जनाएको छ । 

 एमालेमा नयाँ नेतृत्व चयनका लागि हुन लागेको निर्वाचनमा ८० विद्युतीय मेसिनबाट मतदान गराउने तयारी छ ।