१७५ किलो गाँजासहित मकवानपुरबाट २ जना पक्राउ

मकवानपुर । मकवानुरमा १७५ किलो गाँजासहित २ जना पक्राउ परेका छन् । बिहीबार मकवानपुर प्रहरीले १७५ किलो गाँजासहित २ जनालाई पक्राउ गरेको हो ।

हेटौंडाबाट वीरगञ्ज जान लागेको ना ३ ख ५९५० नम्बरको ट्रकमा १७५ किलो गाँजासहित चालक र ट्रकमा सवार एकजनालाई प्रहरीले पक्राउ गरेको हो ।

वीरगञ्ज जान लागेको उक्त ट्रकलाई चेकजाँच गर्दा फल्स बटम बनाई लागुऔषध गाँजा १७५ किलो फेला परेको जिल्ला प्रहरी कार्यालय मकवानपुरका प्रवक्ता एंव प्रहरी निरिक्षक देवेन्द्र दासले बताए।