काँग्रेसको महाधिवेशन रोक्न माग गर्दै सर्वोच्चमा रिट

काठमाडौँ । नेपाली काँग्रेसको १४ औं महाधिवेशन प्रक्रिया रोक्न माग गर्दै सर्वोच्च अदालतमा रिट निवेदन दायर भएको छ । अधिवक्ता भुपेन्द्रप्रसाद पोखरेलले बिहीबार सर्वोच्च अदालतमा रिट दायर गरेका हुन् । 

कोरोना महामारीका कारण सरकारले निषेधाज्ञा जारी गरेकै अवस्थामा दशौँ हजारको उपस्थिति रहने महाधिवेशन प्रक्रिया सुरु गर्दा जनस्वास्थ्यको मापदण्ड प्रतिकूल हुने भन्दै महाधिवेशन रोक्नका लागि उपयुक्त आदेश दिन माग गरिएको हो ।