बरिष्ठ अभिनेता श्रेष्ठ विभूषण समिति सदस्यमा नियुक्त

रासस

बुधबार, २० साउन २०७८, १२ : ५२
बरिष्ठ अभिनेता श्रेष्ठ विभूषण समिति सदस्यमा नियुक्त

काठमाडौं । बरिष्ठ अभिनेता मदनदास श्रेष्ठलाई सरकारले विभूषण समितिको सदस्यमा नियुक्त गरेको छ । राष्ट्रिय जीवनमा उल्लेखनीय योगदान दिएबापत हालै बसेको मन्त्रिपरिषद् बैठकले श्रेष्ठलाई समितिमा नियुक्त गरेको हो ।

CG Developers Tansen Cement box

गृहमन्त्री अध्यक्ष रहने समितिमा अन्य पाँच सदस्य हुनेछन् । अभिनेता श्रेष्ठसहित समितिमा गोविन्द प्रसाद शर्मा, डा। भूषण श्रेष्ठ, ओमप्रकाश महतो, नरबहादुर कँडेल मनोनित भएका छन् ।

अभिनेता श्रेष्ठले समितिमा आफूलाई नियुक्त गरेकोमा सरकारलाई धन्यवाद दिएका छन् भने अन्य कलाकारले श्रेष्ठलाई बधाई दिएका छन् । रंगमंच, टिभी, नाटक, फिल्मदेखि पछिल्लो समय दोलखामा फिल्म स्टुडियो निर्माणमा श्रेष्ठ सक्रिय छन् ।