काठमाडौं । जिल्ला प्रहरी कार्यालय बर्दियाले सार्वजनिक अपराध मुद्दामा सजाय तोकी फरार रहेका तीन जनालाई पक्राउ गरेको छ ।
बर्दिया जिल्ला अदालतको विसं २०७२ चैत ९ गतेको आदेशले केही सार्वजनिक अपराध मुद्दामा जनही रु पाँच हजार जरिवानाको आदेश भएपछि फरार रहेका कसुरदार राजापुर–१ का अशोक चौधरी र केशव थारूलाई पक्राउ गरेको हो ।
उनीहरूलाई इलाका प्रहरी कार्यालय राजापुरको प्रहरी टोलीले पक्राउ गरी जिल्ला अदालत गुलरियामा बुझाइएको प्रहरी नायब उपरीक्षक हेमबहादुर शाहीले बताए ।
त्यस्तै जिल्ला अदालतको २०७७ पुस १५ गतेको आदेशले सवारी ज्यान मुद्दामा दुई महिना चार दिन कैद सजाय तोकिएपछि फरार रहेका बारबर्दिया नगरपालिका–८ का २७ वर्षीया सुमन चौधरीलाई पक्राउ गरिएको छ ।
चौधरीलाई इलाका प्रहरी कार्यालय जयनगर बर्दियाको प्रहरी टोलीले पक्राउ गरी सम्मानित बर्दिया जिल्ला अदालत गुलरियामा बुझाइएको प्रहरी नायब उपरीक्षक शाहीले जानकारी दिए ।
प्रतिक्रिया दिनुहोस
रासस
शनिबार, १६ साउन २०७८, २१ : ४०
लेखकबाट थप
सम्बन्धित समाचारहरु
साढे दुई किलो कोकिनसहित तीन विदेशी नागरिक पक्राउ
कुवेतमा पुर्याएर महिलालाई बन्धक बनाएको आरोपमा दुई जना पक्राउ
संयोजक पक्राउ परेपछि अखिल क्रान्तिकारीले घोषणा गर्यो आन्दोलनका कार्यक्रम
मोरङमा गोली प्रहार गरेर लागुऔषध कारोबारी पक्राउ, प्रहरी समेत घाइते
अनलाइनमार्फत ४७ लाख ठगेको आरोपमा युवती पक्राउ
सङ्खुवासभामा पेस्तोलसहित एकजना पक्राउ