जसपाले आज संसदिय दलको नेता चयन गर्दै

सफल खबर संवाददाता

शनिबार, १६ साउन २०७८, ०९ : ५९
जसपाले आज संसदिय दलको नेता चयन गर्दै

काठमाडौँ । आधिकारिकता पाएसंगै जसपाको उपेन्द्र यादव समुहले आज संसदीय दलको नेता आज चयन गर्दैछ ।  नेता चयनका लागि आज बिहान ११ बजे बैठक बस्न लागेको नेता मोहम्मद इस्तियाक राईले जानकारी दिए ।

बिहीबार बसेको केन्द्रीय कार्यकारिणी समितिको बैठकले संसदीय दलको नेता चयन गर्नका आज चुनाव गर्ने निर्णय गरेको थियो । सहमतिका आधारमा नेता छान्ने प्रयास गरिने नेताहरुले बताएका छन् ।

मंगलबारदेखि चलेको केन्द्रीय कार्यकारिणी समितिको बैठकले केही नेताहरुको कार्यविभाजन गरेको थियो । जसअनुसार नवराज सुवेदीलाई पार्टीभित्र पर्ने उजुरी छानविन गर्ने समितिको संयोजक बनाइएको छ ।

यस्तै नरसिंह चौधरीलाई लक्ष्मणलाल कर्णको ठाउँमा अनुशासन समितिको संयोजक बनाइएको छ । जसपाको यसअघि बसेको बैठकले संसदीय दलको विधान पारित गरिसकेको छ ।

तर प्रधानमन्त्री शेरबहादुर देउवाले मन्त्री बन्ने नेताहरुको नामावली माग गर्दा पनि जसपाले पठाउन सकेको छैन । मन्त्री छान्न उपेन्द्र यादव, बाबुराम भट्टराई र अशोक राईलाई जिम्मा दिइएको छ ।

प्रतिक्रिया दिनुहोस