भारतमा ट्रकको ठक्करबाट बसमा सवार १८ जनाको मृत्यु

एजेन्सी

बुधबार, १३ साउन २०७८, ०९ : ०२
भारतमा ट्रकको ठक्करबाट बसमा सवार १८ जनाको मृत्यु

काठमाडौं । भारतको उत्तर प्रदेश राज्यमा भएको सवारी दुर्घटनामा परि १८ जनाको मृत्यु भएको छ । बाराबंकी जिल्लामा भएको दुर्घटनामा ट्रकले बसलाई ठक्कर दिंदा १८ जनाको मृत्यु भएको छ । भने १९ जना घाइते भएका छन् ।

CG Developers Tansen Cement box

लखनउ–अयोध्या रोडमा मंगलबार राति उक्त दुर्घटना भएको हो । भारतीय संचारमाध्यमहरुका अनुसार सडक किनारमा रोकिराखेको दुई तले बसलाई  राति करिब १२ बजेतिर ट्रकले ठक्कर दिएको थियो । 

प्रहरीका अनुसार हरियाणाको पलवल भन्ने स्थानबाट बिहार जाँदै गरेको बस बिग्रिएपछि चालकले राति करिब आठ बजेदेखि सडक किनारमा रोकेका थिए । धेरैजसोको घटनास्थलमै मृत्यु भएको स्थानीय प्रहरीले जनाएको छ । घाइतेहरुको जिल्ला अस्पतालमा उपचार भइरहेको छ ।