प्रधानमन्त्री देउवा र प्रचण्ड बिच भेटघाट, मन्त्रिपरिषद बिस्तार लगायतका विषयमा छलफल

सफल खबर संवाददाता

मंगलबार, १२ साउन २०७८, १० : ४२
प्रधानमन्त्री देउवा र प्रचण्ड बिच भेटघाट, मन्त्रिपरिषद बिस्तार लगायतका विषयमा छलफल

काठमाडौं । प्रधानमन्त्री शेरबहादुर देउवासँग सत्तारुढ गठबन्धनका शीर्ष नेताहरुबीच छलफल शुरु भएको छ । जसपाको आधिकारिकता विवाद सकिए लगत्तै मन्त्रिपरिषद विस्तार लगायतका विषयहरुमा छलफल गर्न गठबन्धन दलका नेताहरु छलफलमा जुटेका हुन् ।

यिनै विषयमा छलफल गर्न माओवादी अध्यक्ष पुष्पकमल दाहाल (प्रचण्ड) आज विहानै प्रधानमन्त्री निवास बालुवाटार पुगेका छन् । दुवैजना बिच यही विषयमा केन्द्रित भएर छलफल भएको एक नेताले बताए । 

प्रचण्डसँग छलफल गरे लगत्तै प्रधानमन्त्री देउवा कांग्रेस पदाधिकारी बैठकका लागि बुढानीलकण्ठतर्फ लागेका छन् । पार्टीमा पनि सरकार विस्तारका बारेमा छलफल हुने नेताहरुले बताएका छन् । देउवाले पार्टीमा सल्लाह नगरी मन्त्रीहरु नियुक्त गरेकोमा कांग्रेसभित्र पनि असंतुष्टि बढेको छ ।

जसपाको आधिकारिकता उपेन्द्र यादवले पाइसकेपछि अब सरकारमा सहभागी हुने बाटो खुलेको छ । यादवले तत्कालै जसपा सरकारमा जाने बताएका छन् । 


 

प्रतिक्रिया दिनुहोस