सर्वोच्च अदालतको फैसलाविरुद्ध एमालेले भण्डाफोर अभियान चलाउने

काठमाडौं । नेकपा एमालेले सर्वोच्च अदालतको फैसलाविरुद्ध देशभर भण्डाफोर अभियान चलाउने भएको छ । एमालले अदालतको फैसलाले निर्दलीयता लाद्न खोजेको भन्दै देशैभर भण्डाफोर अभियान संचालन गर्ने जनाएको छ । 

बानेश्वरमा बसेको संसदीय दलको बैठकले अदालतको फैसलाविरुद्ध भण्डाफोर अभियान चलाउने निर्णय गरेको प्रमुख सचेतक विशाल भट्टराईले जानकारी दिए । जनादेशलाई पूर्ण इन्कार गरेर अदालतले गरेको निर्णयविरुद्ध जनातामा अभियानका साथ जाने निर्णय भएको उनले बताए । 

आजसम्म दुनियाँमा अदालतले प्रधानमन्त्री तोक्ने कुरा कहीँ पनि गरेको छैन । संसद विघटन बेठिक हो भनेर पुनस्स्थापना गरेको भए त्यो मान्न सकिन्थ्यो’ उनले भने, ‘फैसलालाई मान्दामान्दै पनि भण्डाफोर अभियान चलाएर जनतालाई सुसुचित गर्नेछौँ ।’