१० बुँदे सहमतिमा माधव नेपालको तीव्र असन्तुष्टि

रासस

आइतबार, २७ असार २०७८, २३ : ४६
१० बुँदे सहमतिमा माधव नेपालको तीव्र असन्तुष्टि

नेकपा एमालेको कार्यदलले तयार पारेको १० बुँदे सहमतिप्रति नेता माधव नेपाल रुष्ट बनेका छन् । उनले सो सहमतिले आशंका बढाएको भन्दै त्यसमा तीव्र असन्तुष्टि जनाएका छन् । 

आइतबार राति सिंहदरबारबाट कार्यदलको १० बुँदे सहमतिपत्र सार्वजनिक भएपछि नेपालले भने, ‘रातारात यसरी हतार गरेर सहमति गर्न जरुरी थिएन, भोलि उज्यालोमा गरेको भए पनि हुन्थ्यो । रातारात गरिएको सहमतिले आम कार्यकर्तामा आशंका जन्माएको छ ।’

उनले विचाराधीन मुद्दामा कसैले प्रभावित बनाउन नमिल्ने पनि बताए ।