एमालेमा सहमति, अदालतलाई प्रभाव पार्ने भाषा प्रयोग नहुने

काठमाडौं । नेकपा एमालेको आन्तरिक विवाद मिलाउने क्रममा पार्टी अध्यक्ष केपी शर्मा ओली र वरिष्ठ नेता माधव कुमार नेपाल पक्ष सहमतिनजिक पुगेका छन् । 

प्रतिनिधिसभा विघटनविरुद्ध सर्वोच्च अदालतमा विचाराधीन मुद्दालाई प्रभावित नपार्ने, प्रतिपक्षी दलका नेता शेरबहादुर देउवालाई प्रधानमन्त्री बनाउन पार्टीका सांसदले गरेका हस्ताक्षर फिर्ता नलिने समझदारीसहित निसर्त २०७५ जेठ २ अगाडिको पार्टी संरचना ब्युताउने सहमति भएको छ । 

‘मुख्य विषयमा सहमति भएको छ, त्यो भनेको अदालतमा प्रयोग भएका हस्ताक्षर फिर्ता नहुने, अदालतलाई प्रभावित पार्नेगरी कुनैपनि भाषा प्रयोग नहुने तथा निसर्त २०७५ जेठ २ को कमिटी पुनर्स्थापना नै हो । यसमा हामी कार्यदलमा रहेका सबै सहमत भएका छौं ।

अन्य विषयमा यसअघि नै सहमति भइरहेको छग्́, कार्यदलका एक सदस्यले भने। 

उनका अनुसार विधान संशोधनलगायतका विषयमा पनिसहमति भएको खबर नागरिक दैनिकमा छापिएको छ ।