मोटरसाइकल दुर्घटना हुँदा एक जनाको मृत्यु

वीरगञ्ज । मोटरसाइकल अनियन्त्रित भएर दुर्घटना हुँदा बारामा चालकको मृत्यु भएको छ। मृत्यु हुनेमा मोटरसाइकल चालक रौतहटको नजरपुर बस्ने ४२ वर्षीय दुर्गा सापकोटा रहेको प्रहरीले जनाएको छ।

सापकोटाले चलाएको ना २३ प १५१७ नम्बरको मोटरसाइकल अनियन्त्रित भई बाराको कोल्हवी नगरपालिका– २ भिम सखुवामा दुर्घटनामा परेको थियो।

दुर्घटनामा परि घाइते भएका उनको उपचारको क्रममा कलैया अस्पतालमा मृत्यु भएको बाराका प्रहरी प्रवक्ता गौतम मिश्रले जानकारी दिए।