सेञ्चुरी कमर्सियल बैंकका सीईओले दिए राजीनामा

काठमाडौं । सेञ्चुरी कमर्सियल बैंक लिमिटेडका प्रमुख कार्यकारी अधिकृत सीईओ तुलसीराम गौतमले राजीनामा दिएका छन् ।

व्यक्तिगत कार्य व्यस्तताको कारण बैंकमा रही निरन्तर कार्य गर्न असमर्थ रहेको जनाउँदै असार २० गते बैंक संचालक समिति समक्ष प्रमुख कार्यकारी अधिकृत पदबाट गौतमले राजीनामा पेश गरेका हुन् ।

उक्त राजीनामा पत्र संचालक समितिमा विचाराधीन अवस्थामा रहेको बैंकले जनाएको छ ।