मेलम्चीमा होटलको छतमा फसेका दुईजनालाई सेनाको हेलिकप्टरद्धारा उद्धार

काठमाडौं । अविरल वर्षाको बाढीले धेरै क्षति पु¥याएको सिन्धुपाल्चोकको मेलम्चीको एक होटलको छतमा फसेका दुईजनालाई उद्धार गरिएको छ ।

रोज होटलको छतमा फसेका दुईजनालाई आज बिहान  सेनाको हेलिकोप्टरले  उद्धार गरेको हो ।  उद्धार गरेसँगै उनीहरुलाई  सुरक्षित स्थानमा लगिएको सेनाले जनाएको छ । 

त्यसबाहेक अरु पनि कुनै उद्धार अथवा खोज गर्नुपर्ने हुनसक्छ भनेर अहिले पनि सेनाको हेलिकोप्टर मेलम्चीमा नै रहेको राखिएको छ । सोमबार साँझबाट इन्द्रावती र मेलम्ची नदीमा आएको बाढीले सिन्धुपाल्चोकको  मेलम्ची नगरपालिका र हेलम्बु गाउँपालिकामा ठूलो क्षति पुगेको छ ।