एमालेको निर्धारित स्थायी कमिटि बैठक पुनः सर्यो, मंगलबार बालुवाटारमा बस्ने

काठमाडौँ । नेकपा एमालेको स्थायी कमिटि बैठक पुनः सरेको छ । आइतबार बस्ने भनिएको बैठक सोमबार बिहान १० बजेका लागि सारिएको थियो ।  तर आजको निर्धारित बैठक फेरि भोलि अर्थात मंगलबारका लागि सारिएको छ ।

बैठक मंगलबार बिहान ११ बजेपछि प्रधानमन्त्री निवास बालुवाटारमा बस्ने जनाइएको छ । बैठकमा स्पष्टीकरण सोधिएका नेताहरुलाई कारवाही गर्नेसहित पछिल्लो राजनीतिक अवस्थाबारे पनि छलफल हुने जनाइएको छ ।

कांग्रेस सभापति शेरबहादुर देउवालाई प्रधानमन्त्री बनाउन समर्थन रहेको भन्दै हस्ताक्षर गरेका १२ सांसदसँग एमालेले स्पष्टीकरण मागेको थियो । स्पष्टिकण सोधिएका सांसदहरुले भने त्यसको जवाफल बुझाएका छैनन् ।