काठमाडौँ । पूर्व अर्थमन्त्रीहरूले काम चलाउ सरकारले पूर्ण बजेट ल्याउन नमिल्ने बताएका छन् । पूर्व अर्थमन्त्री मञ्चको बिहीवार बसेको बैठकमा पूर्वअर्थमन्त्रीहरुले काम चलाउको बजेट ल्याउनमात्र सरकारलाई सुझाव दिए ।
हाल बहुमतको सरकार नरहेको, कामचलाउ सरकार रहेको, संसद् पुनःस्थापनाको मुद्दा सर्वोच्च अदालतमा विचाराधीन रहेको अवस्थामा यसबेला पूर्ण बजेट ल्याउन नमिल्ने पूर्वअर्थमन्त्रीहरुको भनाइ छ ।
बैठकमा पूर्व अर्थमन्त्रीहरू डा प्रकाशचन्द्र लोहनी, डा रामशरण महत, कृष्णबहादुर महरा, सुरेन्द्र पाण्डे र वर्षमान पुनले विश्वव्यापी मान्यता र प्रचलन बमोजिम पनि यस्तो अवस्थामा पूर्ण बजेट ल्याउन नमिल्ने बताए । अध्यादेशमार्फत बजेट ल्याउनै पर्ने बाध्यता भए पनि नियमित खर्चमात्रै गर्ने गरी कामचलाउ बजेट ल्याउने सुझाव दिए ।
कोभिड–१९ का कारण अर्थतन्त्रका प्रभावित क्षेत्रलाई राहत दिने गरी विशेष प्याकेज ल्याउनुपर्ने सुझाव पनि बैठकले दिएको छ ।
कोभिडबाट प्रभावित विपन्न वर्ग, अपांग, असहाय तथा बेरोजगार जनतालाई सम्बोधन गर्ने गरी सरकारले राहत प्याकेज ल्याउनुपर्नेमा उनीहरुले जोड दिए ।
प्रतिक्रिया दिनुहोस
सफल खबर संवाददाता
विहीबार, १३ जेठ २०७८, १४ : ५४
लेखकबाट थप
सम्बन्धित समाचारहरु
संघीय संसदको बजेट अधिवेशन आव्हान
ड्राफ्ट तयार भइसकेको छ, परम्परागतभन्दा पृथक् बजेट ल्याउँदैछौँ : प्रधानमन्त्री प्रचण्ड
बजेट लेखन शुरु, अत्यावश्यक काम बाहेक मन्त्रालय नआउन आग्रह
किमाथाङ्का-खाँदबारी सडक बनाउन बजेटको अभाव छैन : उपप्रधानमन्त्री महासेठ
१ अर्ब १९ करोडका सडकलाई जम्मा ४ करोड बजेट
बजेटको अर्ध बार्षिक समीक्षा आज सार्वजनिक हुँदै