राष्ट्रपति भण्डारी र प्रधानमन्त्री ओलीबीच दुई घण्टा भेटवार्ता

काठमाडौं । राष्ट्रपति विद्यादेवी भण्डारी र प्रधानमन्त्री केपी शर्मा ओलीबीच भेटवार्ता भएको छ । उक्त भेटवार्ता राष्ट्रपति कार्यालय शीतल निवासमा ६ बजेदेखि ८ बजेसम्म  भएको स्रोतले बताएको छ ।

सरकारको सिफारिसमा राष्ट्रपति भण्डारीले ८ जेठमा प्रतिनिधि सभा विघटन गरेर मध्यावधि निर्वाचन घोषणा गरेकी थिइन् । त्यसविरुद्ध विपक्षी १४६ सांसदले सोमबार सर्वोच्च अदालतमा मुद्दा दायर गरेका छन् । 

संसद विघटनबिरुद्ध विपक्षी दलहरुको राजनीतिक र कानुनी दबाबका कारण राष्ट्रपति भण्डारी र प्रधानमन्त्री ओली दबाबमा छन् । यससम्बन्धमा सर्वोच्चमा ३० रिट दायर भएका छन् । ती रिटको प्रारम्भिक सुनुवाइ बिहीबार र शुक्रबार तोकिएको छ ।