प्रधानमन्त्री र राष्ट्रपतिले षड्यन्त्रमुलक तरिकाले देशलाई दुर्घटनातिर लगे : प्रचण्ड (भिडियोसहित)

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले प्रधानमन्त्री र राष्ट्रपतिले षड्यन्त्रमुलक तरिकाले देशलाई दुर्घटनातिर लगेको आरोप लगाएका छन् ।

नेपाली कांग्रेसका सभापति शेरबहादुर देउवाको नेतृत्वमा सरकार बन्ने अवस्था हुँदाहुँदै राष्ट्रपतिले प्रधानमन्त्रीसँग मिलेर असंवैधानिक रुपमा संसद विघटन गरेको उनको आरोप थियो । उनले फेरि संसद पुनर्स्थापना हुने विश्वास व्यक्त गर्दै भने, ‘फेरि संसद पुनर्स्थापना भएर लोकतन्त्र ट्रयाकमा जानेछ भन्ने विश्वास छ ।’

स्थानीय तहदेखि संसद विघटनको विरोधमा प्रतिवाद सुरु हुने अध्यक्ष प्रचण्डको भनाइ छ । उनले अदालतमा पनि सशक्त बहस हुने र संसदको फेरि पुनस्र्थापना हुने दावी गरे । देउवाले १४९ सांसदको हस्ताक्षरसहित दाबी गर्दागर्दै दाबी नपुग्ने भनी राष्ट्रपतिबाट मध्यराति संसद विघटन हुनु अपारदर्शी र निरंकुश कदम भएको प्रचण्डको भनाइ छ । उनले घोषित चुनाव देखाउनका लागि भएको दाबी गर्दै गर्नको लागि चुनाव घोषणा नभएको बताए ।