जसपा संसदिय दलको बैठक सिंहदरबारमा शुरु

काठमाडौं । जनता समाजवादी पार्टी (जसपा) अध्यक्ष महन्थ ठाकुर र राजेन्द्र महतो पक्षका सांसदहरूको बैठक सुरु भएको छ ।

राष्ट्रपतिले संविधानको धारा ७६ (५) बमोजिम आज ५ बजे सम्म सरकार गठन गर्न सांसदहरूलाई समय दिएपछि  ठाकुर पक्ष सिंहदरबारस्थित संसदीय दलको कार्यालयमा छलफलमा जुटेको हो ।

एक नेताका अनुसार बैठक संसदीय दलका नेता महतोका अध्यक्षतामा बस्न लागेको हो । जसपाकै उपेन्द्र यादव–बाबुराम भट्टराईं पक्षले भने बैठकबारे आफूहरूलाई कुनै जानकारी नभएको बताएका छन् ।

जसपाको ठाकुर पक्ष ओलीलाई सर्मथन गर्ने पक्षमा उभिएको देखिन्छ भने बाबुराम(उपेन्द्र याद पक्ष विपक्षी गठबन्धनमा छ ।