माओवादी केन्द्रको निर्णय : प्रधानमन्त्री ओलीको विश्वासको मतको विपक्षमा मतदान गर्न सांसदहरुलाई ह्वीप जारी

सफल खबर संवाददाता

सोमबार, २७ बैशाख २०७८, १२ : ५४
माओवादी केन्द्रको निर्णय : प्रधानमन्त्री ओलीको विश्वासको मतको विपक्षमा मतदान गर्न सांसदहरुलाई ह्वीप जारी

काठमाडौं । नेकपा माओवादी केन्द्रलको बैठकले प्रधानमन्त्री केपी शर्मा ओलीको विपक्षमा मतदान गर्न आफ्ना सांसदहरुलाई ह्वीप जारी गरेको छ ।
सिंहदरबारस्थित संसदीय दलको कार्यालयमा बिहान बसेको बैठकले संसद बैठकमा प्रस्तुत हुने विश्वासको मतको विपक्षमा मतदान गर्न निर्देशन दिइएको हो ।

CG Developers Tansen Cement box

माओवादी केन्द्रका प्रमुख सचेतक देव गुरुङले आज प्रतिनिधिसभामा प्रस्तुत हुने प्रधानमन्त्रीको विश्वासको मतको विपक्षमा मतदान गर्न आफ्ना सांसदहरुलाई ह्वीप जारी गरेको र सरकारलाई कोभिड संक्रमणबाट सर्वधारणको जीवनरक्षाका लागि तत्काल आवश्यक स्वास्थ्य प्रबन्ध मिलाउन माग गर्ने निर्णय गरेको बताए ।

उनले भने, ‘पहिलो कुरा आज सदनमा सरकारको विश्वासको मत निर्णयार्थ प्रस्तुत हुँदैछ । त्यसमा विपक्षमा मतदान गर्ने निर्णय भएको छ । दोस्रो कोरोना नियन्त्रणका लागि सरकारले लापरवाही देखाएको छ ।