आजको मौसम कस्तो रहला ?

काठमाडौं । बुधबार देशभर बदली हुनुका साथै केही स्थानमा वर्षाको सम्भावना रहेको जल तथा मौसम पूर्वानुमान महाशाखाले जनाएको छ । महाशाखाका अनुसार बुधबार दिउँसो देशभर सामान्यदेखि पूर्ण बदली रहने छ भनेकेही स्थानमा मेघगर्जन र हावाहुरी सहित हल्कादेखि मध्यम वर्षाको सम्भावना रहेको हो । 

यस्तै गण्डकी, लुम्बिनी, बागमती र प्रदेश नं २ का एकदुई स्थानमा भारी वर्षाको सम्भावना रहेको छ।  यसैगरी देशका पहाडी भूभागका धेरै स्थानहरूमा सामान्य देखि पूर्ण बदली र बाँकी भूभागहरुमा आंशिकदेखि सामान्य बदली रहने छ। यस्तै केही स्थानमा मेघगर्जन र हावाहुरी सहितहल्का देखि मध्यम वर्षाको सम्भावना रहेको छ।  

हाल देशमा पश्चिमी न्यून चापीय प्रणाली, देशको दक्षिण भूभाग नजिक विकसित भएको न्यून चापीय क्षेत्र तथा बंगालको खाडीको जलवाष्प युक्त हावाको प्रभाव रहेको महाशाखाले जनाएको छ ।