पछिल्लो २४ घन्टामा चितवनमा थपिए ६६ जना संक्रमित

सफल खबर संवाददाता

मंगलबार, १४ बैशाख २०७८, १६ : १४
पछिल्लो २४ घन्टामा चितवनमा थपिए ६६ जना संक्रमित

भरतपुर । चितवनमा पछिल्लो २४ घन्टामा ६६ जना कोरोना संक्रमित थपिएका छन् । यस जिल्लामा कोरोना भाइरसका सक्रिय संक्रमितको संख्या ४५८ पुगेको स्वास्थ्य कार्यालय चितवनले जनाएको छ ।

थपिएका नयाँ संक्रमितमा भरतपुर महानगरपालिकाका ५२ जना छन् । त्यस्तै, रत्ननगर नगरपालिकाका ७, माडीका ३, खैरहनी र राप्तीका दुई र दुई जना संक्रमित थपिएका रहेका स्वास्थ्य कार्यालय प्रमुख दीपक तिवारीले बताए । चितवनका संक्रमित मध्ये ४२१ जना होम आइसोलेसनमा छन् भने ३७ जना संक्रमित अस्पताल भर्ना भएका छन् । 

प्रतिक्रिया दिनुहोस