लागुऔषधसहित दुईजना पक्राउ

काठमाडौं । काठमाडौंको नागढुङ्गाबाट लागुऔषधसहित दुईजना पक्राउ परेका छन् । यात्रुबाहक बसमा लागुऔषध लिएर काठमाडौं नाका छिरिरहेका दुई जनालाई प्रहरीले पक्राउ गरेको हो । पक्राउ पर्नेमा सिरहा नगराजपुर गाउपालिका -४ का २५ वर्षीय सुनिलकुमार यादव र मोरङ रंगेली नगरपालिका-८ का २६ वर्षीय सुमन भण्डारी छन्।

दुबैलाई नागढुंगाबाट खटिएको टोलीले सोमबार बिहान पक्राउ गरेको हो। उनीहरू छुट्टाछुट्टै बसमा लागुऔषध लिएर काठमाडौं आइरहेका थिए।

महानगरीय प्रहरी परिसर काठमाडौंका अनुसार ना८ख ८००२ र ना७ख ७७३० नम्बरको यात्रुबाहक बसमा आउँदै थिए।

ती बस विराटनगरबाट छुटेका थिए। बसबाट लागुऔषध डाइजेपाम, फनरागन, नुफिन ७४३ एम्पुल र नाइट्रोभेट ट्याबलेट १४३ थान बरामद भएको परिसरले जनाएको छ।

दुबैलाई हिरासतमा लिएर कारबाही थालिएको प्रहरीले जनाएको छ।