काठमाडौं । दिल्ली क्यापिटल्सलाई पराजित गर्दै राजस्थान रोयल्सले इन्डियन प्रिमियर लिग आईपीएल टी-२० क्रिकेटमा राजस्थान रोयल्सले पहिलो जित हात पारेको छ ।
बिहीबार राति भएको खेलमा राजस्थानले दिल्ली क्यापिटल्सलाई ३ विकेटले हराएको हो । मुम्बईस्थित वाङखडे स्टेडियममा दिल्लीले दिएको १४८ रनको लक्ष्य राजस्थानले १९ .४ ओभरमा ७ विकेट गुमाएर पूरा गरेको हो ।
राजस्थानको जितमा डेभिड मिलरले ६२ रन बनाए । यस्तै क्रिस मोरिसले अविजित ३६ रन योगदान गरे । जयदेव उनादकाट ११ रनमा अविजित रहे । राहुल टेवाटिया १९ रन बनाएर आउट भए ।
दिल्लीका अभेस खानले ३, क्रिस वोक्स र कागिसो राबडाले २-२ विकेट लिए ।त्यसअघि हारेर पहिले ब्याटिङ गरेको दिल्लीले २० ओभरमा ८ विकेट गुमाएर १४७ रन बनाएको थियो । दिल्लीका लागि कप्तान ऋषभ पन्तले सर्वाधिक ५१ रन बनाए । यस्तै टम कुरानले २१ र ललित यादवले २० रन बनाए । क्रिस वोक्सले अविजित १५ रन जोडे ।
राजस्थानका जयदेव उनाक्डले ३ र मुस्ताफिजुर रहमानले २ विकेट लिए ।राजस्थानले पहिलो जितपछि २ खेलबाट २ अंक जोडेको छ । पहिलो हारपछि दिल्लीको पनि २ अंक नै छ ।
प्रतिक्रिया दिनुहोस
सफल खबर संवाददाता
शुक्रबार, ०३ बैशाख २०७८, १० : ०९
लेखकबाट थप
सम्बन्धित समाचारहरु
आईपीएल : सञ्जुको उत्कृष्ट ब्याटिङमा राजस्थानको विजयी सुरुवात
आईपीएल सुरु हुनुअघि जयपुर रंगशालामा तालाबन्दी
आगामी आईपीएलमा एउटै ओभरमा दुई बाउन्सर
आईपीएल लिलामीका लागि १ हजार १६६ खेलाडी दर्ता
चेन्नईले पाँचौं पटक जित्यो आईपीएल उपाधि
आईपीएल : फाइनल प्रवेशका लागि गुजरात र मुम्बई खेल्दै