४३ लाख रुपैयाँ र नौवटा छड्के तिलहरीसहित एकजना पक्राउ

काठमाडौँ । प्रहरीले ४३ लाख रुपैयाँ र नौवटा छड्के तिलहरीसहित नागढुंगाबाट एक जनालाई पक्राउ गरेको छ।

दाङको तुलसीपुरबाट काठमाडौँ आउँदै गरेको प्रदेश नम्बर ३–०१–००–६ ख ०९१२ नम्बरको बसमा खानतलासी गर्दा कार्टुनमा प्याक गरेर ल्याएको अवस्थामा ४३ लाख रुपैयाँ र ९ पोतेसहितको ९ वटा छड्के तिलहरी बरामद गरेको हो। कार्टुनमा एक हजार दरका ३९ सय थान र पाँच सय दरका ८ सय थान नोट रहेको प्रहरीले जनाएको छ।

सो रकम र तिलहरीसहित तुलसीपुर–५ का सन्दीप कौशल पक्राउ परेका हुन्।