देउवालाई भेटेपछि प्रचण्डको बाबुरामसँग कुराकानी

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ नेपाली कांग्रेसका सभापति शेरबहादुर देउवासँग भेटवार्ता गरेका छन् । नागरिक समाजको कार्यक्रममा प्रचण्डले केही दिनमै सरकारलाई दिएको समर्थन फिर्ता लिने भनेका थिए ।

त्यही सिलसिलामा अध्यक्ष प्रचण्डले देउवासँग भेटवार्ता गरेका हुन् । नकै निवास बूढानीलकण्ठमा पुगेर प्रचण्डले देउवालाई भेटेका हुन्। दुई नेताबीच सवा तीन बजेदेखि चार बजेसम्म छलफल भएको स्रोतको भनाइ छ । 

देउवासँगको छलफल सकेर प्रचण्ड जसपा नेता बाबुराम भट्टराई भेट्न पुगेका छन् । नेकपा खारेज गरी एमाले माओवादी ब्युँताउने सर्वोच्चको फैसलाविरुद्ध सर्वोच्चमा पुनरावलोकनको माग गरेसँगै प्रचण्डले राजनीतिक भेटघाट बढाएका छन् ।