प्रधानमन्त्री ओली र माधव नेपाल बिच भेटवार्ता हुदै

काठमाडौं । प्रधानमन्त्री तथा नेकपा (एमाले) का अध्यक्ष केपी शर्मा ओली र नेता माधव नेपालबीच आज बिहान ११ बजे धुम्बाराहीस्थित एमालेको केन्द्रीय कार्यालयमा भेट हुने भएको छ ।

नेपालले धुम्बाराहीमा भेट्ने प्रस्ताव गरेपछि ओली पार्टी कार्यालयमा भेट्न तयार भएका हुन् । । सुरुमा ओलीले एक्लाएक्लै भेट्ने प्रस्ताव गरे पनि नेपालले त्यसलाई अस्वीकार गरेको उनीनिकट स्रोतले बताएको छ । त्यसपछि केही नेतासहित ओ‌ली र नेपालबीच भेट हुन लागेको हो ।

पछिल्लो समय एमालेमा चर्किको विवादका बीच दुई मुख्य नेताहरुको भेटलाई महत्वका साथ हेरिएको छ । ओलीले आइतबार राति राष्ट्रपति विद्यादेवी भण्डारीसँग भेट गरेका थिए । उच्च स्रोतका अनुसार राष्ट्रपति भण्डारी र ओलीबीच डेढ घण्टासम्म छलफल भएको थियो । त्यहीक्रममा 
राष्ट्रपतिसँगको छलफल सकिएपछि ओलीले नेपाललाई फोन गरेका थिए ।