एमालेमा दुई धारको रस्साकस्सी, आफू निकटका स्थायी समितिका सदस्यसँग छलफलमा नेपाल

सफल खबर संवाददाता

विहीबार, २७ फागुन २०७७, १५ : ४७
एमालेमा दुई धारको रस्साकस्सी, आफू निकटका स्थायी समितिका सदस्यसँग छलफलमा नेपाल

काठमाडौं। नेकपा एमाले व्युतिएसँग एमालेभित्र रहेके केपी ओली समूह र माधव नेपाल समूहबीच गुटगत भेला हुन थालको छन् । ओली समूहले नेपाल समूहलाई छलफलमा हालसम्म बोलाएको छैन भने नेपाल पक्षले आफू निकटका स्थायी समितिसँग छलफल गरिरहेको छ । माधव पक्ष स्थायी समिति सदस्यबीच बानेश्वरको एक होटलमा जारी छलफलमा एमालेभित्र अपनाउने रणनीतिबारे छलफल भइरहेको छ ।

स्थायी समितिमा नेपालको पक्षमा ११ सदस्य छन्। दुई वरिष्ठ नेता झलनाथ खनाल र नेपाल, तीन उपाध्यक्ष युवराज ज्ञवाली, अष्टलक्ष्मी शाक्य र भीम रावल, उपमहासचिव घनश्याम भूसाल, तीन सचिव गोकर्ण विष्ट, भीम आचार्य र योगेश भट्टराई, सदस्य सुरेन्द्र पाण्डे छन्।

वामदेव गौतम तटस्थ रहेको र विद्यादेवी भण्डारी राष्ट्रपति रहेकाले अध्यक्ष केपी शर्मा ओली स्थायी कमिटीमा अल्पमतमा छन्। ओलीसँग महासचिव ईश्वर पोखरेल, उपमहासचिव विष्णुप्रसाद पौडेल, दुई सचिव प्रदीपकुमार ज्ञवाली र पृथ्वीसुब्बा गुरुङ, सदस्यहरु किरण गुरुङ, छविलाल विश्वकर्मा र शंकर पोखरेल छन्।

नेपालले बुधबार पनि आफू पक्षीय केन्द्रीय सदस्यको भेला गरेका थिए। भेलाले वामपन्थी सरकारको निरन्तरता, एमाले एक ढिक्का र असहमतिका विषयमा पार्टीभित्रै संघर्षको नीतिलाई अगाडि सार्ने रणनीति माधव पक्षले बनाएको छ । सर्वोच्च अदालले एमाले ब्युँत्याइदिएपछि पनि ओली समूह र नेपाल समूहबीच छलफलसमेत भएको छैन। आफू पक्षका गुटगत भेला भइरहेका छन्, जसका कारण एमालेमा पनि दुई धारको रस्साकस्सी बढी छ । 

प्रतिक्रिया दिनुहोस